Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Эмомали Раҳмон Божхона ва Миллий банк раҳбариятини жазолади
15-05-2019 13:30 0 569 Рейтинг1 Чоп этиш

Эмомали Раҳмон Божхона ва Миллий банк раҳбариятини жазолади

Эмомали Раҳмон Божхона ва Миллий банк раҳбариятини жазолади

Куни кеча Тожикистон президенти Эмомали Раҳмон божхона хизмати ва миллий банк раҳбариятига ҳайфсан жазосини эълон қилди.

“Давлат хизмати тўғрисидаги қонун талабларига мувофиқ ўз хизмат вазифаларини талаб даражасида бажармагани учун божхона хизмати бошлиғи Каримзода Хуршедга, божхона хизмати бошлиғи биринчи ўринбосари Турсунзода Азимга, божхона хизмати бошлиғи ўринбосарлари Хурматзода Иззатуллога ва Шерализода Хуршедга ҳайфсан эълон қилинсин”, - дейилган президент фармойишида.

Бундан ташқари, президент Миллий банк раҳбари Жамшид Нурмахмадзода ва унинг ўринбосарлари Нуралиев Жамолиддин, Машрабзода Хамидулло Махмадулло ва Лола Салимовага ҳайфсан интизомий жазосини берди.

Ўтган ҳафтада Тожикистон президенти Эмомали Раҳмон молия, солиқ ва божхона хизмати ходимлари билан йиғилиш ўтказганди.

Йиғилишда Раҳмон божхона хизмати ходимини сўроқ қилиб, унинг ёлғончи эканлигини фош қилди ва ишдан бўшатди.

Тожикистон президенти ушбу идораларда хизмат қилувчи ходимлар орасида коррупция ҳолатлари кўпайганини кўрсатиб ўтди.

Мазкур йўналишда тартиб ўрнатиш юзасидан мамлакат бош вазири Кохир Русулзодага топшириқ берилди.

Раҳмон бу тизимларни “элакдан ўтказиш” кераклигини алоҳида таъкидлаб ўтди. Амалдорларни аттестациядан ўтказиш бўйича комиссия тузиш таклиф қилинди. Комиссия ходимларнинг даромад декларацияларига эътибор қаратади.

Тожикистон президенти сўзларига кўра, Коррупцияга қарши идора, Молия вазирлиги, Солиқ қўмитаси ва Божхона хизмати ходимлари ўзига тегишли бўлган мол-мулкларни яширмоқда.
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
сколько будет три плюс три (ответ цифрой)
Жавоб:*
Боглиш маколалар