На русском
АҚШ ва КХДР раҳбарлари яна учрашиши мумкин
Фото: РИА Новости
АҚШ Президенти Дональд Трамп ва КХДР етакчиси Ким Чен Ин ўртасидаги навбатдаги учрашув 2019 йилнинг январь ойида ўтказилиши мумкин.
Бу ҳақда Жанубий Кореянинг Chosun Ilbo газетасини Вашингтондаги дипломатик манбасига асосланиб Халқ сўзи ёзмоқда.
Аниқланишича, Оқ уй мазкур саммитни 2019 йил 10 январигача ташкил этмоқчи. Уни ўтказиш жойи ҳозирча аниқ эмас.
Бундан олдин Трампнинг миллий хавфсизлик бўйича ёрдамчиси Жон Болтон президент Шимолий Корея раҳбари билан яқин ойлар ичида кўришиши эҳтимоли борлиги ҳақида айтиб ўтганди.
Мазкур масала АҚШ давлат котиби Майк Помпеонинг Пхеньянга қилган ташрифи ва Ким Чен Ин билан ўтказган музокаралари давомида кўриб чиқилган.
