Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Ўзбекистон ва АҚШ ишбилармонларининг онлайн видеомулоқоти бўлиб ўтди
26-02-2018 12:59 0 407 Рейтинг0 Чоп этиш

Ўзбекистон ва АҚШ ишбилармонларининг онлайн видеомулоқоти бўлиб ўтди

Ўзбекистон ва АҚШ ишбилармонларининг онлайн видеомулоқоти бўлиб ўтди

Ўзбекистон Савдо-саноат палатаси томонидан Америка — Ўзбекистон савдо палатаси ҳамкорлигида ташкил этилган видеомузокарада савдо, сармоя, иқтисодиёт, қишлоқ хўжалиги, тўқимачилик, фармацевтика, кимё ва озиқ-овқат саноати, электрон маҳсулотлар ва қурилиш материаллари ишлаб чиқариш каби соҳалар учун масъул вазирлик ва идоралар, концерн ва компаниялар вакиллари иштирок этди деб ёзади Uza маълумотига таяниб xs.uz

Cавдо-саноат палатаси раиси А. Икромов, Ўзбекистоннинг АҚШдаги Фавқулодда ва мухтор элчиси

Ж. Ваҳобов ва бошқалар мамлакатларимиз ўртасида савдо-иқтисодий ва инвестициявий ҳамкорлик ривожланиб бораётгани, Америка — Ўзбекистон савдо палатаси қўшма лойиҳаларни қўллаб-қувватлаш ва амалга оширишнинг муҳим механизмига айланганини таъкидлади.

Америка — Ўзбекистон савдо палатаси ижрочи директори Е. Сон, шунингдек, америкалик тадбиркорлар Президент Шавкат Мирзиёевнинг 2017 йил

18 — 20 сентябрь кунлари АҚШга ташрифи чоғида бир гуруҳ етакчи компаниялар раҳбарлари билан бўлган учрашув мамлакатларимиз тадбиркорлари ўртасидаги ҳамкорликни янги мазмун билан бойитиш, икки томоннинг имкониятларини кенгроқ ишга солишда муҳим омил бўлаётганини алоҳида қайд этди.

Ўзбекистоннинг иқтисодий, ижтимоий-сиёсий, маданий-гуманитар, маънавий-маърифий ҳаётида кечаётган ислоҳотлар халқаро ҳамжамиятда катта қизиқиш уйғотмоқда. Айниқса, иқтисодий тармоқда амалга оширилган кенг миқёсли чора-тадбирларга халқаро таҳлилчилар ижобий баҳо бермоқда. Мамлакатимизда ишбилармонлик муҳитини янада эркинлаштириш, кичик бизнес ва хусусий тадбиркорлик субъектларини қўллаб-қувватлаш борасидаги янгиланишлар Ўзбекистоннинг инвестициявий жозибадорлиги янада ортишига хизмат қилмоқда. Бугунги кунда юртимизда америкалик ишбилармонлар билан ҳамкорликда тузилган 160 дан зиёд корхоналар фаолият юритаётгани Ўзбекистонда инвесторларга қўшимча қулайлик, имтиёзлар яратиш, валюта сиёсатини либераллаштириш борасидаги ишларнинг самараси, дейиш мумкин.

Онлайн видеомулоқотда америкалик ишбилармонларга юртимизда турли соҳалар, жумладан, аграр саноатда фаолият кўрсатаётган чет эллик инвестор ва шериклар учун қатор солиқ ҳамда божхона имтиёзлари жорий этилгани ҳақида маълумот берилди.

Тадбирда Американинг “WCC International” компанияси мутасаддилари мамлакатимиз экспорт салоҳиятини ошириш, Ўзбекистонда ишлаб чиқарилган маҳсулотларни АҚШ бозорига олиб кириш имкониятлари, халқаро маркетинг, электрон тижорат каби мавзулардаги тақдимотлари билан иштирок этди. АҚШ ишбилармон доиралари вакиллари ўзбекистонлик тадбиркорлар билан ҳамкорликни янада кенгайтириш ва мустаҳкамлашдан манфаатдор эканини таъкидлади
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
сколько будет три плюс три (ответ цифрой)
Жавоб:*