Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Хитой Ўзбекистон Ислом Каримов бошлаб берган йўлдан боришига қаттиқ ишонади
04-09-2016 10:39 0 902 Рейтинг1 Чоп этиш

Хитой Ўзбекистон Ислом Каримов бошлаб берган йўлдан боришига қаттиқ ишонади

Хитой Ўзбекистон Ислом Каримов бошлаб берган йўлдан боришига қаттиқ ишонади

Кеча, 3 сентябрь куни Ислом Каримовнинг дафн маросимига келган Хитой вакили икки давлат ўртасидаги алоқалар ҳақида фикр билдирди.

Хитой Ислом Каримовнинг вафотидан сўнг, Ўзбекистон у бошлаган йўлни давом эттиришига қаттиқ ишонади, дейди ХХР Давлат кенгашининг бош вазир ўринбосари Чжан Гаоли.

Кеча, 3 сентябрь куни Ислом Каримовни сўнгги йўлга кузатиш маросими бўлиб ўтди. Мазкур маросимда Гаоли Хитой вакили сифатида иштирок этди.

“Ўзбекистон халқи Ислом Каримов бошлаб берган сиёсатни давом эттириб, уни ривожлантира олиши ва давлат қурилиши, халқ тараққиёти йўлида янги муваффақиятларга эришишига Хитой қаттиқ ишонади”, дея Хитой Ташқи ишлар вазирлиги Гаолининг сўзларидан иқтибос келтирмоқда.

Ислом Каримовнинг дафн маросимидан сўнг, Чжан Гаоли Ўзбекистон Республикасининг бош вазири Шавкат Мирзоёев билан учрашди. Улар икки давлат ўртасидаги муносабатларнинг ривожи ҳақида фикр алмашдилар.

Учрашувда ХХР Давлат кенгашининг бош вазири ўринбосари Хитой Ўзбекистон билан аввалроқ имзолаган келишувларни давом эттириш, Янги буюк ипак йўлининг истиқболлари учун ҳисса қўшиш, савдо-иқтисодий, энергетика, транспорт, хавфсизлик ва ишлаб чиқариш кучларини ривожлантиришни икки давлат алоқаларидаги энг устувор йўналишлар эканини таъкидлаб ўтди.

Ўз навбатида Шавкат Мирзиёев Чжан Гаолига Ислом Каримовнинг дафн маросимида иштирок этгани учун миннатдорчилик билдирди. Шунингдек, бош вазир Ўзбекистон Хитой билан барча соҳаларда алоқаларни ривожлантиришга ҳаракат қилишини таъкидлаб ўтди.
Руслан Сулаймонов
qalampir.uz
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
сколько будет три плюс три (ответ цифрой)
Жавоб:*