13.6 C
Узбекистан
Пятница, 29 марта, 2024

“Уч авлод учрашуви” кўҳна диёрда

Топ статей за 7 дней

Подпишитесь на нас

51,905участниковМне нравится
22,962участниковЧитать
6,190участниковПодписаться
- Advertisement -

Дунё тараққиётининг бешиги ҳисобланган шаҳарлар, цивилизациялар саноқли. Улар қаторида Хоразмнинг борлиги ҳар бир ўзбекистонлик учун фахр ва ифтихор эканига шубҳа йўқ. Тамаддун бешигларидан ҳисобланган бу диёр доимгидек юксак эътибор ва диққат марказида. Тарихи минг йиликларга бориб тақаладиган заминдаги бугунги ўзгаришлар, янгиланишлар, фан ва таълим, ишлаб чиқариш, маданият, инсон қадр-қиммати, миллатлар аро тотувлик, бағрикенглик тамоиллари асосида олиб борилаётган катта ҳажмдаги самарали ишлар, хайрли ташаббусларнинг сони йилдан йилга ошиб бормоқда. Кўлами жиҳатдан кенгайиб бораётган “Уч авлод учрашувлари”нинг навбатдаги тадбирларига кўҳна кент – Урганч мезбонлик қилди.

Ўзбекистон Қаҳрамонлари, фахрий устоз ва мураббийлар, мамлакат тараққиётига, бугунги тинж, осуда, доруломон кунларга тамал тоши қўйилишида ўзининг муносиб ҳиссасини қўшган ёши улуғлар, ёшлар билан биргаликда, янгиланаётган Хоразмнинг диққатга сазовор масканлари, янги иморатлар, таълим масканларида бўлиб, ҳамюртларимиз айниқса ёшларга яратилган шароитлар билан яқиндан танишишди.

Кун давомида олинган тааъссуротлар бир дастурхон атрофида, кўп йиллик қадрдонлар, устоз шогирдар, бир сўз билан айтганда уч авлод ўртасидаги суҳбатларда ўз аксини топди. Кўнгил кўнгилдан сув ичади дейишади. Улуғларимиз, ўрта авлод вакиллари ҳамда ертамиз эгаларини жам қилган дилбар давралар, бугунги тинч ва фаровон кунлар, обод масканлар, миллатлар аро тотувлик ва бағрикенгликда бугунидан рози бўлиб умргузаронлик қилаётган ҳамюрларимизнинг шукроналика йўғрилган суҳбатларига бой бўлди.

Тадбирда Ўзбекистон Республикаси Олий Мажлиси Сенати Раиси Танзила Нарбаева, Ўзбекистон Республикаси Президентининг маслаҳатчиси, генерал-лейтенант Турсинхан Худайбергенов, Ўзбекистон Республикаси Ички ишлар вазири, генерал-лейтенант Пўлат Бобожонов, Хоразм вилояти ҳокими Фарҳод Эрманов ва бошқалар сўзга чиқиб ушбу тадбирнинг моҳияти ва  тарбиявий аҳамияти ҳақида тўхталдилар.

 Уч авлод учрашуви. Тарих, бугун ва келажакни бирлаштира олган анжуман кексаю ёшнинг хотира зарварақларида унитилмас кун бўлиши шубҳасиз. Сабаби, жонли тарих билан сўзлашиш, уларни яқиндан таниш биргаликда ҳамфикр бўлиш ёшлар учун катта тажриба ва ҳаёт мактаби бўлиб хизмат қилади.

 “Янги Ўзбекистонда еркин ва фаровон яшайлик”.  Бугун ана шу шиор остида, бир юртда турли миллат ва элат вакиллари тинч тотув ҳаёт кечиришмоқда.  Мамлакатимизда  илк бор 30 июль, Халқлар дўстлиги кунининг нишонланиши эса кўп миллатли Хоразм элида ҳам кўтаринки кайфиятда бўли ўтди. Уларнинг юз кўзларида, дил сўзларида ўша кўтаринкилик ҳамон порлаб турганини илғаб олиш қийин эмас.

Миллатлараро дўстлик, бирдамлик, меҳр оқибат каби инсоний фазилатлар тараннуми ҳисобланган уч авлод учрашувларида қўшни мамлакатлардан келган  талабалар ҳам доимо иштирок этиб, шу жамиятнинг фаол аъзоларига айланиб боришмоқда. Туркманистон, Ҳиндистон ва Покисонлик талабалар  ўз тенгдошлари билан биргаликда бу каби маънавий маърифий тадбирларнинг доимий иштирокчилари. 

Меҳр мурувват, эътибор ва ғамхўрлик ҳар биримиз учун маънавий қувват манбаимизга куч қўшади.  Уч авлод учрашувида нафақат вилоятдан балки бутун  Республикадан ташриф буюрган таниқли дарғалар, шу заминга меҳнати сингган, унинг равнақига, мустаҳкам келажак иморатига ўзиниг тамал тошларини қўйган меҳнат фахрийлари, устозлар, турли миллат вакиллари, намуна қилиб кўрсатса арзигулик ёшлар кенг жамоатчиликка таништирилди. Сидқидилдан кўрсатган хизматлари, жамиятдаги фаол иштироки учун эса бир гуруҳ ватандошларимиз Ўзбекистон мустақиллигининг 30 йиллиги эсдалик нишони билан тақдирланди.

Даврадаги самимий ва дилкаш суҳбатлар, катта ҳаёт тажрибасига эга ёши улуғлар билан мулоқотлардан тўлқинланган ёш етакчилар ҳам ўзининг дил сўзларини яширмади.

Интилиш ва изланишлар ҳар доим ўз натижасини кўрсатади. Бу ҳаракатларни эса аждодлар мероси, уларнинг бой тажрибаси билан бевосита бирлаштириш муваффақият гарови. Янги Ўзбекистонни бунёд этиш учун эса ёшларимиз учун нафақат ўткир зеҳн ва ақл, замонавий билимлар, балки кекса авлод вакилларининг катта ҳаёт мактабидан олган сабоқлари, миллий қадрият ва анъаналарга ҳурмат, Ватанга бўлган муҳаббат у садоқат, шу билан бирга юртимиздаги ўзгаришларга дахлдорлик ҳисси билан яшаш ҳам талаб этилади. Уч авлод учрашувлари ана шундай кучли руҳий  қувват бераётган мактаб вазифасини ўтаб бераётганига яна бир бор амин бўлдик.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Последние новости

Олий Мажлис Сенатининг эллик биринчи ялпи мажлиси 30 март куни чақирилади

28 март куни Олий Мажлис Сенати Кенгашининг навбатдаги мажлиси бўлиб ўтди. Мажлисни Сенат Раиси Танзила Норбоева олиб борди. Унда Сенатнинг...

Больше похожих статей

×