Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Facebook асосчиси соғлиқни сақлаш соҳасига маблағ ажратади
23-09-2016 10:33 0 590 Рейтинг1 Чоп этиш

Facebook асосчиси соғлиқни сақлаш соҳасига маблағ ажратади

Facebook асосчиси соғлиқни сақлаш соҳасига маблағ ажратади

Facebook ва Microsoft асосчилари ўз шахсий фондлари ҳисобидан ҳайрия маблағлари ажратишади.

Facebook ижтимоий тармоғи асосчиси Марк Цукерберг рафиқаси Присцилла Чан билан 2015 йилда “Chan Zuckerberg Initiative” номли хайрия фондига асос солган эди. Мазкур фонд 21 сентябрь куни Сан-Францискода йиғилиш ўтказди.

Ушбу йиғилиш давомида Марк Цукерберг ва Присцилла Чан айни вақтда мавжуд бўлган барча касалликларга қарши курашга қаратилган тадқиқотлар учун 3 миллиард АҚШ доллари миқдорида маблағ ажратишини маълум қилишди. Бу маблағ 10 йил давомида тақдим этиб борилади.

Лойиҳанинг биринчи босқичида Сан-Францискода “Biohub” номли лаборатория яратиш учун 600 миллион доллар ажратилади. Бу лабораторияда Беркли, Калифорния, Стэнфорд ва Сан-Франциско Университетларининг малакали профессорлари иш олиб боришади. Цукерберг барча турдаги инфекцион касалликни аниқлашга қаратилган чип яратилиши ҳақида маълум қилди.

Марк Цукерберг ўз чиқиши давомида агар ушбу лойиҳа амалга ошса, инсониятнинг ўртача умр кечириш ёши 100га етишини таъкидлаб ўтди.

Сан-Францискода ўтган йиғилиш давомида Microsoft асосчиси Билл Гейтс ҳам иштирок этиб, сўзга чиқди. Билл ва Мелинда Гейтснинг хайрия фонди ҳам соғлиқни сақлаш борасида бир қатор лойиҳаларни молиялаштирган. Хусусан, 2014 йилда у ОИТС, сил ва безгак касалликларига қарши курашиш мақсадида 10,2 миллиард доллар миқдорида маблағ ажратган.

Юқорида қайд этганимиздек, Facebook асосчиси Марк Цукерберг ва унинг рафиқаси Присцилла Чан томонидан яратилган “Chan Zuckerberg Initiative” хайрия фонди уларнинг фарзандли бўлганлиги муносабати билан ташкил этилган бўлиб, у жаҳоннинг энг йирик хайрия фондлари қаторига киради. Захира ресурси 46 миллиард долларни ташкил этувчи фонд шу вақтгача мактаб ва таълим соҳасидаги бир неча лойиҳаларга маблағ ажратган.

Жаҳонга машҳур “Forbes” журналининг март ойда чоп этилган “Жаҳоннинг энг бадавлат кишилари” рейтингида Марк Цукерберг 6-ўриндан жой олганди. Ушбу журналнинг 22 сентябрдаги ахборотига кўра, Цукербергнинг молиявий аҳволи 55,8 миллиард долларни ташкил этмоқда.
Дурдона Расулова
qalampir.uz
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
Сколько пальцев у человека на одной руке? (ответ цифрами)
Жавоб:*
Топ моддаларни кунлари

Хуршида Жалилованинг адолатсизликка қарши етти йиллик курашига суд нуқта қўйди

Истеъмолчи тўлов чекини олмаса, маҳсулот қайтарилмайдими...

Эҳтиёт қисмлари йўқ нуқсонли телевизор янгисига алмаштирилди

Бахтиер Мирзакулов Бутун жахон қўл жанги федерацияси вице президенти этиб тайинланди

Реклама на сайте
Боглиш маколалар
Реклама на сайте