Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Алишер Навоийга Хитойда ҳам катта эҳтиром кўрсатилмоқда
12-02-2019 10:16 0 717 Рейтинг1 Чоп этиш

Алишер Навоийга Хитойда ҳам катта эҳтиром кўрсатилмоқда

Алишер Навоийга Хитойда ҳам катта эҳтиром кўрсатилмоқда

Самарқанд шаҳрида Алишер Навоий таваллудига бағишланган қатор тадбирлар бўлиб ўтди. Уларда олимлар, шоиру ёзувчилар, талабаю ўқувчилар, жамоатчилик вакиллари иштирок этди.

Дастлаб сўз мулкининг султони, буюк мутафаккир номи билан аталадиган маданият ва истироҳат боғида маънавий-маърифий тадбир бўлиб ўтди. Уни Ўзбекистон журналистлари ижодий уюшмаси вилоят бўлими раиси Фармон Тошев очиб, Алишер Навоий даҳоси ҳақида, вилоят миқёсида шоир таваллуд топган кун муносабати билан ўтказилиши кўзда тутилаётган тадбирлар ҳақида сўз юритди.

Вилоят ҳокимининг ўринбосари Рустам Қобилов буют Алишер Навоийнинг сиёсий арбоб сифатида тарихимизда тутган ўрнини қайд этди ҳамда ҳар йили шоир таваллуд топган кун вилоятда ўзгача шукуҳ билан нишонланишида катта маъно борлигини уқтириб, унинг Самарқандда яшаб, таҳсил олганлигини эслатиб ўтди.
Алишер Навоийга Хитойда ҳам катта эҳтиром кўрсатилмоқда

СамДУ доценти Эркин Мусурмонов илмий тадқиқод олиб бориш мақсадида Хитойда яшаб юрган вақтида ушбу мамлакатда Алишер Навоийга қанчалик эҳтиром кўрсатилишининг гувоҳи бўлганлигини таъкидлади. Хитойда “А.Навоий дўстлари жамияти” мавжуд бўлиб, Шанхай шаҳрида алломага бронзадан 3 метрлик улуғвор ҳайкал ўрнатилган экан. Камида 15 нафар хитойлик ижодкор ҳазратнинг асарларига тақлид ёзганлиги алоҳида қайд этилди.

“Алишер Навоий асарларида Чин номи 90 мартадан ортиқ жойда тилга олинган. Хитойлик олимлар, айниқса “Фарҳод ва Ширин” достонига катта қизиқиш ва ҳаяжон билан қарашади. Улар Фарҳоднинг Чин мулкидан эканлиги билан фахрланишади”, – деди Э.Мусурмонов.
Алишер Навоийга Хитойда ҳам катта эҳтиром кўрсатилмоқда

Вилоят мусиқали драма театрида Ўзбекистон халқ шоири Иқбол Мирзонинг “Самарқанд сайқали” асари намойиш этилди. Вилоят маданият бошқармаси бошлиғи, театр бадиий раҳбари Баҳодир Шарофовнинг қайд этишича, саҳна асари бундан икки йил аввал Алишер Навоий таваллудининг 576 йиллиги арафасида томошабинлар ҳукмига ҳавола этилган эди. Унда улуғ шоирнинг Самарқандда кечган йиллари ҳақида ҳикоя қилинади. Асарни режиссёр Жўрабек Рўзметов саҳналаштирган. Алишер Навоий ролини Фарид Расулов, Фазлулоҳ Абу Лайсий ролини Жўрабек Ёрқулов ижро этган.
Алишер Навоийга Хитойда ҳам катта эҳтиром кўрсатилмоқда

Улуғ мутафаккир туғилган кунига бағишланган тадбирлар доирасида Самарқанд вилоят ўлкашунослик музейида вилоят маданият бошқармаси қошида ташкил этилган “Мақом” ансамблининг концерти бўлиб ўтди.

Тошпўлат РАҲМАТУЛЛАЕВ,
Самарқанд вилояти бўйича ўз мухбиримиз
Муаллиф туширган суратлар
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
Сколько пальцев у человека на одной руке? (ответ цифрами)
Жавоб:*
Топ моддаларни кунлари

Тадбиркор ўзининг қонуний ҳақ-ҳуқуқини ТАЛАБ қилаяпти

Тадбиркорнинг хотини ва ҳайдовчиси уни 680 000 долларга “ухлатди”

Ўзбекистонда никоҳ ёши аёллар учун 18 ёш этиб белгиланмоқда

Журналистлар ижодий уюшмаси: Ҳоким ўринбосари қонун олдида жавоб бериши шарт

expo
Боглиш маколалар