Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Шерали Жўраев янги концерт дастурини тақдим этади
24-03-2017 18:30 0 995 Рейтинг1 Чоп этиш

Шерали Жўраев янги концерт дастурини тақдим этади

Шерали Жўраев янги концерт дастурини тақдим этади

Концерт дастури айнан қачон берилиши ҳозирча маълум эмас.

Аввалроқ, Ўзбекистон халқ артисти Шерали Жўраев узоқ йиллик танаффусдан сўнг радио ва ТВ эфирларига қайтгани, “Парижон” номли қўшиққа ишланган клипи ҳам омма эътиборига намойиш этилгани, шунингдек, унинг 70 ёшга тўлиши муносабати билан Тошкентдаги меҳмонхоналардан бирида ижодий кечаси ва концерт дастурини ташкил этгани ҳақида хабар бергандик.

Эндиликда, Шерали Жўраев уни соғинган мухлислар учун концерт дастурини тақдим этиши маълум бўлди. Бу ҳақда шоир Муҳаммад Исмоил ўзининг “Facebook”даги саҳифаси орқали хабар берди.

“Ўзбекистон халқ артисти, Алишер Навоий номидаги Давлат мукофоти совриндори, бугунги кун қўшиқчилиги қироли Шерали Жўраев концерт дастури тақдим этиш учун қизғин тайёргарлик кўрмоқда.

Буюк ҳофиз “Биринчи муҳаббатим”, “Турналар”, “Йигитлар”, “Ҳурлар бормиш жаҳонда”, “Келса гар Наврўзи олам”, “Ошиқларинг сардори менман” сингари юракларимизга бир умр муҳрланиб қолган шоҳона тароналардан ҳам жозибалироқ, ёқимлироқ, севимлироқ қўшиқларни бизга армуғон этишига ишонамиз. Кўнгиллар яхши қўшиққа муҳтож бўлди.

Анча йиллардан буён кўнгиллар яхши қўшиқни соғинди. Дилни ўртайдиган, қалбга олам-олам ҳузур бағишлайдиган, юракларни жунбушга келтирувчи қўшиқларни соғинди одам. Шерали ака! Биз сизга ишонамиз, биз сиздан яхши-яхши қўшиқлар кутиб қоламиз!

Барча фейсбукдош дўстлар сизга Худодан куч-қудрат сўраймиз, илҳом сўраймиз, ғайрат ва шижоат сўраймиз! Илоҳим, ўзбек қўшиқчилик санъатини янада юксакка кўтараверинг, миллатимиз санъати донғини етти иқлимга таратаверинг!”, дейилади постда.

Айтиш лозимки, концерт дастури айнан қачон берилиши ҳозирча маълум эмас.
Умида Якубова
qalampir.uz
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
Сколько пальцев у человека на одной руке? (ответ цифрами)
Жавоб:*