Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Болангизни мактаб бозоридан расм дафтарлар (раскраскалар)даги беҳаёлик, жой олмасин
03-08-2018 14:38 0 451 Рейтинг1 Чоп этиш

Болангизни мактаб бозоридан расм дафтарлар (раскраскалар)даги беҳаёлик, жой олмасин

Болангизни мактаб бозоридан расм дафтарлар (раскраскалар)даги беҳаёлик, жой олмасин

Июль-август ойларида барча жойларда мактаб бозорлари ташкил этилиб, уларда дафтар ва китоб савдоси чаққонлашади. Мўмай даромад илинжида юрган айрим шоввоз тадбиркорларнинг шу пайтга келиб «куни туғади». «Давринг келди сур бегим» деган матални дастак қилиб «отини қамчилайди». Қайси бир ертўлаларда бекиниб олиб контрафакт маҳсулотлар тайёрлашга киришади, турли айланма йўллар билан божхоначилар кўзини шамғалат қилиб, таълим стандартларига мос келмайдиган матбаа маҳсулотлари билан бозорларни тўлдиради деб ёзмоқда Ўзбекистон Матбуот ва Ахборот агентлиги расмий нашри.

Натижада чизсанг йиртилиб, бўясанг ранглари чаплашиб кетадиган расм дафтарлари, катак ва ёзувларини кўз базўр илғайдиган, муқовасида миллий маънавиятимизга мутлақо зид турли суратлар акс этган дафтарлар ўқувчилар сумкасидан жой олади.

Хорижий мультфильмлар ва эртак қаҳрамонлари акс этган, беҳаёлик, «оммавий маданият» тарғиб этилган расм дафтарлари (раскраскалар) эса фарзандларимизни «тарбиялай» бошлайди.
Болангизни мактаб бозоридан расм дафтарлар (раскраскалар)даги беҳаёлик, жой олмасин

Биринчидан, бу сохта тадбиркорлар «Муаллифлик ҳуқуқи ва турдош ҳуқуқлар тўғрисида»ги, «Истеъмолчиларнинг ҳуқуқларини ҳимоя қилиш тўғрисида»ги, «Давлат рамзлари тўғрисида»ги қонунлар, давлат стандартлари ва бошқа норматив-ҳуқуқий ҳужжатларни оёқости қилаётган бўлса, иккинчидан, қоида бўйича ҳалол ишлаётган, солиқ ва мажбурий тўловларни виждонан тўлаётган тадбиркорларнинг манфаатига, энг муҳими, жондан азиз бўлган фарзандларимизнинг соғлиғига зиён етказаяпти.

Уларни сотиб олаётган бизлар-чи? Сохта «тадбиркорлар»нинг гуллаб-яшнашига, қинғир ишларини рағбатлантиришга ҳисса қўшмаяпмизми?! Назаримизда, ҳар бир ота-она бугун ана шу саволларни бир марта бўлса-да, дилидан ўтказиши керак.

Айтиш керакки, бугун тадбиркорлик — давлат сиёсатининг асосий йўналишларидан бирига айланди. Президентимиз томонидан тадбиркорларга кенг имкониятлар эшиги очилди. Уларнинг фаолиятига аралашиш, турли текширувлар ўтказиш тақиқланган. Аммо бу ишонч, имконият ва имтиёзлар истаган нарсани амалга ошириш, амалдаги қонунларни оёқости қилиш мумкин дегани эмас-ку! Улар ўзларининг номақбул фаолиятини тадбиркорлик дея хаспўшлашга ҳаққи борми?

Айрим «тадбиркор»лар эса дарсликларни ноқонуний чоп этиб, сотувга қўйишмоқда. Бу, ўз навбатида, билим олиш сифатига ҳам салбий таъсир кўрсатмай қолмайди. Ўқув дарслиги сифатида тақдим этилган китоблар ҳаддан ташқари кичик форматда, имловий ва услубий хатолар билан, сифатсиз қоғозларда чоп этилмоқда. Бундай контрафакт маҳсулотлар бугун халқ тилидаги «Солнечный» (Илм шуъласи) бозорида «бижғиб», «болалаб» ётибди. Вилоятларга машина-машина қилиб ташиб кетиляпти.
Болангизни мактаб бозоридан расм дафтарлар (раскраскалар)даги беҳаёлик, жой олмасин

Шу боис, Ўзбекистон Матбуот ва ахборот агентлиги Бош прокуратура, Давлат божхона қўмитаси, Давлат солиқ қўмитаси, «Ўзстандарт» агентлиги, Истеъмолчилар ҳуқуқларини ҳимоя қилиш жамиятлари федерацияси ва бошқа ташкилотларни ҳамда жамоатчиликни мазкур муаммони бартараф этишда ҳамкорликка чорлайди. Амалдаги қонун ҳужжатларига чап бераётган бу каби «тадбиркор»лар фаолиятини тартибга солиш, уларга нисбатан кескин таъсир чораларини қўллаш кечиктириб бўлмас вазифа. Зеро, ушбу муаммо бевосита келажагимиз эгалари бўлган ёш авлод тақдири, унинг эртанги куни билан бевосита боғлиқ.

Ўзбекистон Матбуот ва ахборот агентлиги
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
Сколько пальцев у человека на одной руке? (ответ цифрами)
Жавоб:*
Топ моддаларни кунлари

Шимолий ва Жанубий Корея етакчилари учрашишди

Бухорода газ баллони портлаши оқибатида 5 киши ҳалок бўлди

Самарқандда халқ таълими тизимидаги ўзгаришларга муносабат муҳокама қилинди

Мажбурий меҳнатга жалб қилиш бўйича 110 дан ортиқ мурожаатлар келиб тушди

Реклама на сайте
Боглиш маколалар
Реклама на сайте Реклама на сайте